Zamalek Sporting Club

By: elzini | Add Comments

فيه حد متابع ؟؟؟
لو فيه حد متابع ياريت يسيب كومنت
لأني بفكر أرجع أكمّل تاني بمناسبة قدوم المعلم حسن شحاتة

By: elzini | Add Comments

السلام عليكم ورحمة الله وبركاته

ألف ألف مبروك لينا النقاط الثلاثة في الماتش الصعب ضد الاتحاد
أنا كنت وعدتكم بهدية لو كسبنا
الهدية عبارة عن 4 فيديوهات

الفيديو الأول : حسام حسن بعد ماتش حرس الحدود وكان الماتش اللي بعده ماتش الأهلي

الفيديو التاني : جمهور الزمالك في مباراته مع الجزيرة - كرة سلة

الفيديو الثالث : جمهور الزمالك في ماتش المقاولين

الفيديو الرابع : جمهور الزمالك في ماتش الاتحاد

يارب من فوز لفوز يارب دايمًا

والسلام عليكم ورحمة الله وبركاته

By: elzini | 3 Comments

السلام عليكم ورحمة الله وبركاته

الماتش النهارده الساعة 5 مساءا
وهيبقى في الاسكندرية تقريبا استاد حرس الحدود

أنا مش هتكلم عن سخونية الماتش أنا هتكلم عن اللاعبين الأبرز داخل وخارج قائمة الزمالك

أولا : القطري حسين ياسر المحمدي

أعتقد هياخد فرصته النهارده وربنا يكرمه ،،

ممكن ينزل يلعب على الجبهة اليمنى أو لاعب حر مكان شيكابالا

ثانيا :  سيد مسعد

المهاجم السابق  لنادي القناة

يمتاز بالخفة والرشاقة (عن أحمد جعفر) وفيه نفس مميزات الطول والقوة اللي عند جعفر

لم يأخذ فرصته كاملة حتى الآن على ما أعتقد

ثالثا : الغائب الأبرز : (الجناح الطائر)
محمد حازم

بصراحة أنا مش عارف ايه المشكلة ، بس تقريبا مشاكل شخصية ،،، على العموم ربنا يكرمه ويسترها معاه

لما بيبقى فايق ماحدش بيعرف يوقفه وأعتقد كلنا شفناه ماتش الأهلي واللي عمله في الدفاع كله وسيد معوض وجيلبرتو

هيبقى إضافة أكثر من ممتازة لما يرجع

===========================

ملحوظة أخيرة : لو كسبنا النهارده في هدية جميلة لحسام حسن ومشجعي نادي الزمالك

===========================

عايز أعرف توقعاتكم لماتش النهارده

مستني التعليقات ……….

والسلام عليكم ورحمة الله وبركاته

By: elzini | Add Comments

السلام عليكم ورحمة الله وبركاته

بصراحة أنا ماكنتش متوقع الشكل الجميل اللي حصل آخر ماتشين
أداء رائع ، إصرار جميل ، حماس غير عادي

بصراحة 10/10 يا حسام يا حسن
وربنا يوفقك كمان وكمان

وبالمناسبة الصورة اللي أنا حاططها دي لجون أحمد جعفر وأن لقطتها لحظة مالكورة خرجت من قدم علاء علي

حاجة تانية ،، بسم الله ماشاء الله على الكام لاعب اللي طلعنا بيهم السنة دي بدءا من إبراهيم صلاح وعلاء علي وحسام عرفات ومحمد حازم وأتمنى عودة صبري رحيل لانه “وحشني” ،،، أنا شايف انه مع عبد الشافي ممكن يعملوا جبهة شمال قوية + الجبهة اليمين بتاعت غانم وحازم
يعني من الآخر احنا بقى عندنا فرقتين كويسين ،، بس ربنا يستر وحسام مايغلطش غلطة جوزيه ويمسك في 11 لاعب ويسيب الباقيين يحمضوا على الدكة

مستني تعليقاتكم ….

والسلام عليكم ورحمة الله وبركاته

By: elzini | 1 Comment

السلام عليكم ورحمة الله وبركاته

النهارده مباراة القمة المصرية بين فريقي الأهلي (صاحب الملعب) والزمالك (بمدربه الجديد) الساعة السابعة مساءا باستاد القاهرة .

الغائب الأبرز عن الزمالك ==> عمرو زكي

الغائبين عن الأهلي ==> عماد متعب و محمد أبوتريكة

أنا متوقع عزف منفرد من كلا الجمهورين حيث سيرسم كل منهم لوحات فنية جميلة ….. والله أعلم

عايز أعرف تصوراتكم عن الماتش

السلام عليكم ورحمة الله وبركاته

By: elzini | 2 Comments

السلام عليكم ورحمة الله وبركاته

 بصراحة أنا كنت حاسس ان الزمالك هيعملها معانا زي كل سنة ومش هيخلينا نعيد فقلت ما أعيدش عليكم إلا بعد ماطش الحرس

المهم عيد سعيد على الأمة الإسلامية جميعا وربنا يوفقك يا حسام وتكون سبب لإعادة أمجاد الزمالك

يوم الثلاثاء القادم ماطش الأهلي ،، عايز أعرف توقعاتكم لمباراة القمة

السلام عليكم ورحمة الله وبركاته

By: elzini | 4 Comments

السلام عليكم ورحمة الله وبركاته

تعادل بطعم الهزيمة مع الجونة وفوز غير مستحق على الإنتاج الحربي وتوقف للدوري المصري للقاء الجزائر المرتقب
انتهت منذ لحظات مباراة مصر والجزائر بفوز منتخب الساجدين على الخضر الجزائريين بهدفين

معنى ذلك انه سوف تكون هناك مباراة فاصلة في السودان يوم 18 – 11 الأربعاء القادم

حتى المباراة الفاصلة ،، لكم تحياتي

يارب النصر لمصر

والسلام عليكم ورحمة الله وبركاته

By: elzini | 2 Comments

السلام عليكم ورحمة الله وبركاته

عودة إلى أجواء الدوري مرة أخرى ومباراة جديدة ضد الجونة
تلك المباراة هي أهم بكثير من مبارتي العين و بني ياس معًا
الفريق فايق ، الجمهور جاهز ، الفضائيات متأهبة ، ميشيل مستعد
لابديل عن النقاط الثلاث

أتوقع أن تمتلئ جنبات استاد القاهرة
الجمهور لازم يصبر على الفريق حتى لو تأخر الفوز ،، وماينفعش نفضل قاعدين نتفرج على الماتش وننسى ان احنا جايين نشجع الفريق مش نتفرج عليه

أتمناها بداية موفقة لمستوى ثابت

توقعي لنتيجة الماتش
الزمالك 2 – 1 الجونة ،، عايز أعرف رأيكم

وربنا يستر

والسلام عليكم ورحمة الله وبركاته

By: elzini | Add Comments

السلام عليكم ورحمة الله وبركاته
فوز ودي جديد على الملاعب الإماراتية
هذه المرة على فريق بني ياس الإماراتي

لن أطيل عليكم الحديث عن هذه المباراة على الرغم من الشكل الجيد الذي ظهر عليه الفريق والتخلص من الفردية وظهور جمل تكتيكية بين أعضاء الفريق ككل
أصبح الفريق يلعب كفريق كامل وليس يعتمد على 2-3 لاعبين يمتلكون الحلول الفردية

الأهداف

الملخص

والسلام عليكم ورحمة الله وبركاته

By: elzini | 7 Comments

السلام عليكم ورحمة الله وبركاته

بهدفي سيد مسعد ومحمد حازم إمام تغلب الزمالك على مضيفه العين الإماراتي بهدفين لهدف واحد .
تقدم العين عن طريق مهاجمه الشاب محمد عبد الرحمن “” عجب “” في الدقيقة 14 ثم تعادل سيد مسعد في الدقيقة 55 ثم أحرز هدف الفوز الموهبة الشابة محمد “حازم إمام” قبل 3 دقائق من نهاية عمر المباراة

أعتقد أن الزمالك لازال يعتمد بشكل كبير على المهارات الفردية لبعض اللاعبين مثل شيكابالا وحازم وعلاء علي ،، ولازال على المدرب هنري ميشيل أن يطور نظام الفريق كفريق متكامل لا يعجز عن الفوز إذا غاب أحد اللاعبين المهاريين
فوز هام معنويا ،، وتجربة مفيدة ضد فريق كبير

أهداف اللقاء

ملخص اللقاء

صور اللقاء
http://www.alainfc.net/en/index.php?p=gallery&a=pictures&t=football&tid=1&ct=1&aid=33&album=true

والسلام عليكم ورحمة الله وبركاته